الطيراوي : على إسرائيل الانشغال ببيتها الداخلي بدلا من امنياتها العبثية حول اليوم التالي    وفد حركة "فتح" يطمئن على جرحى غزة في "مستشفى معهد ناصر" بالقاهرة    ارتفاع حصيلة عدوان الاحتلال على مدينة جنين ومخيمها إلى ثلاثة شهداء وسبع إصابات    غزة: شهداء وجرحى في سلسلة غارات اسرائيلية واقتحام مجمع ناصر الطبي واعتقال كوادر طبية    7 شهداء في غارة اسرائيلية على بلدة الهبارية جنوب لبنان    استشهاد شاب برصاص الاحتلال في جنين    مجلس الأمن يناقش الأوضاع في الشرق الأوسط بما فيها القضية الفلسطينية    شهداء وجرحى في غارات إسرائيلية على رفح والنصيرات وخان يونس    ارتفاع حصيلة العدوان على قطاع غزة إلى 32414 شهيد و74787 إصابة    وفد "فتح" يطلع وزير خارجية مصر على الأوضاع الإنسانية والسياسية في الأراضي الفلسطينية    ناشطون يطلقون حملة لمقاطعة شركة (intel) الأميركية لدعمها نظام الفصل العنصري الإسرائيلي    ثلاث إصابات بالرصاص خلال مواجهات مع الاحتلال في نابلس    شهداء وجرحى في سلسلة غارات وقصف مدفعي بمحيط مستشفى الشفاء ومناطق متفرقة بالقطاع    الاحتلال يعتقل 15 مواطنا من مناطق متفرقة من الضفة    سبعة شهداء في قصف للاحتلال استهدف منتظري مساعدات في مدينة غزة  

سبعة شهداء في قصف للاحتلال استهدف منتظري مساعدات في مدينة غزة

الآن

حُلم أبو العبد - خالد عبد الكريم ملحم

صبحني ابوانس * صبحني بالقدس وأكثر وبالزيت والزيتون والزعتر ... قلتلوا صبحك بالخير صباحك تين ورمان انت ومن حولك والطير اش رايك اخرفك خراف خريفية ابريق الزيت انت والربع كمان قاللي خرف بس مش هون خلي الخراف في البستان * او تحت طريق كفر رمان * رحنا انزلنا عالجسر * ونسينا الشنط هناك شوفنا في المعبر شوفات قهر وظلم ووجع راس خلصنا من هالحدود تركنا وكر اليهود وروحنا عاريحا مغرب الهواء تغير علينا عليل وبشفي العليل وشمينا ريحة البلاد ما شوفنا شجر بيضحك الا من الجسر وغربا والارض بتضحك كمان والصخر والعصافير قلنلهم بتضحكوا ليش انتوا بتضحكوا معانا خوفي بتضحكوا علينا ردت عصفورة علي قالتلي يابوالعبد كل اشي بيضحك هونا بس استوعب على هونك كله فرحان ومبسوط عالاخبار الجديدة قلتلها شو صار جديد انا جيت من الجسر وقفنالهم مثل العبيد مش ححكيلك شو اللي صار من افراح و من اخبار خلي اهلك يخبروك قلتلها اخبار اليوم قريتها في الجريدة قالتلي الفرحة قدام والواقع غير المكتوب انسيت انك في البلاد وبلادك مبسوطة فيك والجبال بتناديك وبتربت على ظهرك وتقول... لا تروح الله يخليك اطلع فوقي طل وشوف شوف الساحل والبحر والسهل الغربي ولونه اخضر وتحته حًمار قلت لنفسي ايش هاللون الاخضر خضرة البلاد هيك جدودي وصفولي وحيرني اللون الاحمر سالت الشجر ايش هاللون ردت الارض وقالت يابوالعبد انت نسيت الشهداء اللي استشهدوا هون سيدك وعمك وخالك وابو الطيب قائدهم * والعبد الحاج محمد * والقسام مساندهم * هم بحضني متحدين وكلهم شهداء واخوان ولونوني بلون الدم هم جواتي بيسمعوك وانت قاعد بتخربط خليك حدق يلا روح انت وف بوعدك وتلاقي الاخبار قدام قلتها واعدت مين قالتلي الخريفية خريفية ابريق الزيت ابو انس بستنى هناك بستنى عابير صليح * قلتلها نسيت الخراف ووعدي الله بسامحني صرت اسأل عن الاخبار ما حدا يجاوبني شفت نفسي ولا اشي مش غادر اعمل اشي دموعي صارت تزرب مي رجعت الارض الحمراء صرخت في وقالت قوم امسح دموعك والحق ..... الحق ربعك خلصني خرفهم بريق الزيت والاخبار شو هيه رحت اركض عابير صليح لقيت الربع هناك وابوانس يسولفهم اعذرني يا بوانس ابريق الزيت انا انسيته شو الجديد من الاخبار قاللي سامحني ياخال احنا جينا كلنا هون وعقلك معلق بابريق الزيت إنس يابوالعبد واسمع اتجاوزنا هذا الخراف جينا نطبق على الارض ما اتعلمناه من الارض جينا نشوف دم الشهداء لونه بلون تراب الارض نتعلم منه شوية الوطن والله غالي عز وتاريخ ورباط والمرابط الو الجنة وانا دوري كيف اقراه قل لي شو في من اخبار شفت الوضع مش فايد فلتلهم في امان الله قالولي مروح وين روح معنا عالقدس بنصلي ونذكر الله وبعدها نقبل قبلة عالخليل وعاغزة الحال صار وحدة حال وحدة دم وشهادة سمعنا من امنا الارض انه الشهداء متحدين متحدين في احشائي الله يرضى عليهم اتحدوا والله يا احباب الحمدالله ياربي شكرا شكرا يا دكتور طلعت من هالرحلة بعلوم غير علومي القديمة الوحدة حقا صارت ارض وشعب متحدين الحمدلله يا ربي اتحقق املي في حياتي قمت صحيت من النوم قلت يا ربي اجعله خير ياربي حقق حلمي قبل افارق هالدنيا .............. اسأل الله ان ترضى عنا فلسطين فهي امنا ومهد وحدتنا مع تحيات ابوالعبد * أبو العبد : هو خالد عبد الكريم ملحم. * أبو أنس : هو د. عبد الرحيم محمود جاموس. * بير صليح : هو بئر يتوسط وسط البلدة القديمة في عنبتا. * كفر رمان : هي قرية تابعة لبلدة عنبتا وتقع إلى الشمال منها. * أبو الطيب : هو الشاعر الشهيد (عبدالرحيم محمود). * العبد الحاج محمد : (شهيد) استشهد عام 1948م في معركة كفر سابا القريبة من قلقيلية وهو من أبناء عنبتا. * القسام : الشهيد الشيخ (عز الدين القسام) رائد الكفاح القومي الوطني في فلسطين أوائل ثلاثينات القرن الماضي. * البستان : يتوسط الحارة الشرقية في بلدة عنبتا كان يتم فيه ممارسة الألعاب الشعبية من قبل أولاد البلدة. * الجسر : معبر الحدود الأردني مع فلسطين المحتلة.

 

ha

إقرأ أيضاً

الأكثر زيارة

Developed by MONGID | Software House جميع الحقوق محفوظة لـمفوضية العلاقات الوطنية © 2024